ძველი რომი
ველი რომის ისტორიაში ყოფილა შემთხვევები,როდესაც არა მარტო მონებს,არამედ თავისუფალ ადამიანებსაც თავად შეეძლოთ,საკუთარი სურვილით გლადიატორები გამხდარიყვნენ.მათ შორის არა მარტო მამაკაცები,არამედ მანდილოსნებიც იყვნენ.ამის მიზეზი კი ფული და პოპულარობა იყო.63 წელს რომის იმპერატორმა ნერონმა გამოსცა ბრძანება,რომლის თანახმადაც თავისუფალ მოქალაქეებს,კერძოდ ქალებს ოფიციალურად მიეცათ უფლება მონაწილეობა მიეღოთ გლადიატორთა ბრძოლის ტურნირებში.იმპერატორი დომიციანე კი 89 წელს უფლებას იძლევა,რომ ამ ბრძოლებში ჩაერთონ ფიზიკური ნაკლის მქონე პირებიც.გლადიატორი რომ გამხდარიყო ადამიანი,მათ პირველ რიგში უნდა მიეღოთ ფიცი და საკუთარი თავი გამოეცხადებინათ "იურიდიულად გარდაცვლილად".ამ მომენტიდან ისინი სხვა სამყაროში აღმოჩნდებოდნენ,სადაც მეფობდა სასტიკი კანონები.უპირველეს ყოვლისა მათ უნდა დაეცვათ დუმილის უფლება.არენაზე ბრძოლის დროს ისინი მხოლოდ ჟესტიკულაციებით სარგებლობდნენ.მეორე წესი რაც აუცილებლად უნდა დაეცვათ იყო - ღირსების სრული წესით დაცვა.როდესაც გლადიატორი მიწაზე დაეცემოდა და გამოუვალ მდგომარეობაში ვარდებოდა,მას აუცილებლად უნდა მოეხსნა თავიდან ჩაფხუტი და ღირსეულად შეხვედროდა სიკვდილს.იგი ან დალოდებოდა როდის მოკლავდა მოწინააღმდეგე,ან კიდევ თავად უნდა მოესწრაფა სიცოცხლე.ეს წესები ყველა გლადიატორისათვის სავალდებულო და აუცილებელი იყო.აღსანიშნავია,რომ რომის იმპერატორ - კომოდს,რომელიც რომის იმპერიას განაგებდა 180-192 წლებში,თავად იმდენად იყო გატაცებული გლადიატორთა ბრძოლებით,რომ 735 ბრძოლაში მიიღო მონაწილეობა და რაღა თქმა უნდა ყველაში მან გაიმარჯვა.ყველაზე ცნობილი გლადიატორები,რომლებიც ისტორიას შემორჩა გახლდნენ: სპარტაკი,კრიქსი,ენომაი,კასტი,პუბლიპორი და გაი გაგნიკი
No comments:
Post a Comment